波城怪論 哈叔是哈公的自動 第二梯隊論

哈公

年初九見到世侄，他一聲「恭喜發財」，哈叔不得不遞說一封「利是」給他。然後說：「世侄，其實是你發財。應該哈叔恭喜你又發了一封利是財先啱。」

世侄又哈哈地笑（有幾分哈叔味道），又挑撥地引哈叔，說：「許多人問，怎解呢一排唔見哈叔的怪論出？有人話哈叔的怪論唔正唔經；有人話哈叔的怪論又抵死又怪趣，紛紛打聽哈叔究竟是何人呢。」

哈叔當然又是哈哈笑了一陳。然後世侄：「呢一陣哈叔唔多得閒，所以冇怪論出。其實，大家講得啱，哈叔的怪論是什麼性質文章，見仁見智，後才講你知。但哈叔是何人？首先話你知。」

「哈叔就係你哩」世侄自作聰明地說：「你們就係哈叔哩。」

「世侄，佢地唔係咁意思。人有求知之慾，亦有好奇之心。問哈叔係邊個，好認清哈叔的廬山面目，或鼓勵有加，或因此而退避三舍而已。其實，這大可不必。哈叔的怪論如果封，就算哈叔是你的敵人，亦應鼓掌；若哈叔的論點不對，即使哈叔係你老竇，亦應反對。」

「哈叔的意思是只管對事不對人就是」世侄說。

「其 實，波城怪論專欄開始，不是講明緣起於香港作家哈公在某報罷筆，九七的陰影可能妨礙言論自由，星島日報波士頓版乃希望哈公式怪論移民來波城，而且講明波城 怪論之文章要求怪得有理，怪得有趣，最好比哈公的怪論更怪嗎？所以如果有人問世侄，哈叔係邊個？你就照下面答佢哩」：

（一）哈叔係男人。即係話唔係女人。

（二）哈叔比哈公低了一輩。所以叫哈叔。

（三）哈叔是哈公的自動第二梯隊。「吔野係自動第二梯隊呀，哈叔。」是將來哈公退休到顧問委員會賦閒，哈叔就變成哈公，正如世侄 你現在是哈侄，你將來娶老婆生個變成哈孫。到哈叔我仔變成哈公時，你便是哈叔，你個仔便成為哈侄，跟住上。」

「但哈公冇叫你跟住上呀？」世侄 在分辯。

「你講得啱，世侄。從來爭取言論自由都是前仆後繼跟住上。不是世襲指定的第二梯隊繼承人，祇能叫（硬頂上）」。

「所以你叫自動第二梯隊，原來是這樣。」

「我個利是比得你冇錯，抵你發財。」