哈叔
世姪從所物銀行出來，見到哈叔，忙不迭地拉住哈叔訴苦：「你知哩哈叔，華埠祇有這麼一間商業銀行，華人從事餐館生意者多，商業銀行戶口，無第二處可選擇。靠晒佢啦。但多年來呢個財神祇開放三兩出納窗口，日日見裡面排著三兩條長龍。你知哩，尤其在中午及上下午自餒工友開車前這段時間。他們在慢條斯理地數銀紙——這也難怪，他們不能出差錯，但顧客就心急如焚。睇似夠鐘開車，但唔知道還要唔要等半點鐘。你走又唔係，唔走又唔係，真係谷到爆！這樣受罪，每個禮拜至少兩三次……他們祇要開多個出納窗，用多一兩個職員，成千顧客便可每天省回幾百個小時。還講和社區友好，幫助社區發展經濟……其實，唔知有幾多人一出門口就媽媽聲。匆匆忙忙返到餐館，氣猶未消，搞到出錯餐，斟錯黃醋當鼓油……」。
哈叔粒聲唔出，祇是微笑。
世姪突然發覺，乃問：「哈叔，怎解你唔出聲？無支於衷，冇的同情心。」
哈叔說：「世姪，哈使谷氣，返工要緊。其實你呢番牢騷，唔知幾多人講過哩。但冇用。佢一意當你死個。最多你將戶口移民，最多唔做你生意，問題是佢地唔改善，並冇犯法。你奈佢乜嘢何？」
「死哩，咁樣講來即係冇佢符。生定我地要排隊谷氣的哩。」
「未至說咁悲觀，世姪。」哈叔曰。
世姪見哈叔話裡有點轉機，乃問：「難道哈叔有改善辦法？」
「報載銀行不是近來派個市場專家到任，了解改進業務嗎。其實有個更有效、立竿見影的方法就是靠華人經濟發展協會，這個方法十載難逢。」
「哈叔快的講來聽聽。」
「據知，華人經濟發展協會乃該銀行所在大樓的業主。銀行租約今年夏天期滿。經濟發展協會到時實行唔續租俾佢，要佢走，便可搞掂晒啦。而且經濟發展協會，還因此有機會正正式式協助發展華埠經濟。用實際行動回答大家長久以來那個怎樣發展華埠經濟的問題。」
「哈叔你有冇搞錯？這樣做等於趕走一個財神。而這個財神與華人生意、個人的關係這樣密切。就算經濟協會亦同佢瓜連籐一樣。一個靠租金、貨款；一個靠那個優越的龍口位置，才生意滔滔……」。
「世姪，冇錯。趕財神，不是趕走財神。道理何在，明天講你知。夠鐘開車了，返工要緊。」
世姪看看手錶，上午十點半矣！急急忙忙跑步離開，並頻頻揮手說：「哈叔，記緊明天繼續你個怪論。」